Lajmet

Nuk ka ndonjë indikacion për prishje të koalicionit

Deputeti i PDK-së, Hajdar Beqa, po mendon se në një pik qeverisja e Ramush Haradinajt ka ngecur, ndërsa në tjerat është në rregull me dinamikën e punës.
Beqa po konsideron se demarkacioni është çështje që ka ngecur pa arsye.

Ndërsa po thotë se nuk ka ndonjë indikacion për prishje të koalicionit në mes PDK-së dhe koalicionit AAK-Nisma.

“Edhe kur kemi bërë koalicion kanë enë disa çështja të hapura. Mendoj se partnerët që qeverisin duhet t’i harmonizojnë qëndrimet. Konsideroj se nuk ka ndryshime, ka ndryshime periferike. Deri tani nuk kemi parë ndonjë dallim deri tek prishja e koalicionit. Nëse qeveria vazhdon me dinamikën e vet, do ta mbështesim, por nëse nuk i përmbahet dinamikës, po të jetë kryeministri edhe i PDK-së nuk e mbështesim”, ka thënë Beqa.